Politika thaj influencia

Tu kai bešes ando Västra Götaland šai keres influencia ande but pušimata kai si paša tute. Västra Götalandsregiona si phiradi katar politikuri kai la regionake manuš halosarde korkoro. Sar tu thosa čo glaso ande regionako halomos kerdjolpe jekh influencia sar te aven uzime če taxake love. Jekh kothor anda kudia taxa kai tu pučines žjal ka jekh aktivitetcia kai e regiona phiravel, sar naprimer, medical sastipe, kollektivno trafiko thaj kultura. Tu halos ando regionako halomos svako štarto berš ande mizmo vriama kai žjal o halomos ka parlamento thaj e kommuna.

Kadia si phirado o Västra Götalandsregiona

Västra Götalandsregiona si phiradi katar politiko desicia. La regionako consiljo si kai kerel desicia pe bare krisa thaj prioritatcia. Le 149 membruri si halome katar o narodo ando Västra Götaland ande le puterde halomata.

La regionako consiljo si kai kerel desicia pe bare krisa thaj prioritatcia ando Västra Götalandsregiona (VGR). Komissia thaj komiteturi. Kaver desizioni kai trubul line te šai žjal angle e aktivitetcia si decime katar le politikuri ande komicia thaj komiteto.

Ando Västra Götalandsregiona si pašti 1100 politikuri. Von si todine katar la regionako baro thaj aven katar antrego Västra Götaland. Le mai but anda lende keren peske politiko buča kana si libro.

Le politikongi buči si te keren decizioni pa aktivitosko drom, ekonomiko, gol thaj prioritatcia. kadia buči trubun te keren la officiake manuš thaj te phiraven thaj te vazden le aktiviteturia pala le politikongi desicia. E politikaki organizastia si la žjutipe katar le officiake manuš kai keren rodimata, analyzji, kalkyluri, formin planuri thaj propozitcji te šai avel len fundamento ande le politikoske decizioni.

E politiko putaria

Le Politikuri ando Västra Götalandsregiona representin differente politiko partidi. Le Partiengo hulajimos ando regionako konsiljo – mandatosko hulajimos – anklel katar halomasko resultado. Butivar phiraven le partidi kai ande jekh than si len majoriteto, kamel te phenel o mai čira 75 anda le 149 mandaturi. 

Le Mandatosko hulajimos si vi phirado pala sodi membruri si ande jekh partida ande komissia vaj komiteto, sar vi o hulajimos kon te ašel presidento thaj, o dujto presidento.

Kadia šai keres tu influencia

O fundamentosko drom sar te miškis thaj te keres influencia ande jekh representativno demokratcia sar o Svedo si te thos čo glaso. Kana si halomos thos čo glaso pe le politikuri vaj pe partida kai tu gindis ke site formil o Västra Götalandsregionako akitivitetcia sar tu gindis ke avela mai mišto.

Naprimer kadia šai keres influencia:

Tho ÄŤo glaso ande regionako halomos

O Regionako konsiljo halolpe ande puterde halomata svako štarto berš . O kaver halomos avela ando september 2026. Maškar le halomata si kaver posibilita te zumaves te keres influencia.

Le tuke informatcia

Mai anglal sar te avel varisoski desicia kerdjon planerimaske processuri, kotse avela solutionuri thaj propozitcji pe skafidi, diskucia thaj valdimos. Le tuke žjanglimos pa kudo pušimos kai si tuke interesanto. Kon avela kudola kai site ašena responsable? Sar thaj kai kerdjona le decizioni? So si o gindo? Žjin po Västra Götalandsregionako webb, rode ando diario, puš tuke katar le funcionake manuš thj katar le politikuri, le tuke žjanglimos thaj informatcia, naprimer po internet. But decizioni si kerde katar le chefuri pe aktiviteturi thaj pe administrivuri.

Le mai but rama si puterde savorenge

O puterdo principo del tut čačipe te žjines sa le dokumenturi kai si ramome ande vaj aven andre ka Västra Götalandsregiona. Ferdi naj puterde kana si rama sekreto, naprimer nasvalenge journaluri, thaj vuzo bučako materialo.

Ĺľja phirav tut kai la regionako konsiljosko ÄŤidimos

Le čidimata kai kerel la Regionako konsiljo si puterde savorenge – svako jekh si mišto akardo te avel thaj te ašunel.Tu vi šai dikhes le čidimata ando live direkto po vgregion.se thaj ando Närradion. Si vi čirdine divanuri pa purane krisa kai sas mai anglal šai ašunes po vgregion.se.

Kontakti jekh politikos

Tu šai les kontakto jekhesa vaj bute politikontsa strazom po telefono, mejl vaj lila. Te kamesa te maladjos jekhe politikosa personel trubul te les tuke vriama jekh žjes.

Kontakti jekhe funcionake manušes

Tu vi šai mukes vaj trades če ginduria thaj propozitcji ka jekh responsable funcionake manuš. Tu šai keres jekh mejlo strazom ka kudo kai si responsable vaj ka diario, kai registrin čo pušimos thaj traden mai dur kai manuš kai trubul te arsel.

Divini

Tu šai keres intresso pe čo pušimos thaj te uštaves jekh divinimos kudo lesa te ramos lila thaj divanoske artikuluri vaj te uzis socialnio media pe ruzni buča, naprimer. te keres blogg, twittra vaj divinimos pe differento webboske riga.

Starajito ande politika

Tu vi šai amboldes tu ka jekh politiko partdai kai šai amborim šai avela lenge intressanto te ingeren či vorba mai angle. Numa e mai laši žjela si kana tu korkoro staraisto ande politika kado si o mai lašo drom te paruves variso.

Manuš partikular

te kamesa te paruves variso kai si pa jekh partikular manuš, naprimer sastimos, tratamento thaj kana trubul te len jekhe nasvales pe zor andre, atunči trubul tu o pervo te amboldes tu ka kudola manuš kai si lengi buči kudia, ka aktivitetcia vaj ka lengo šero. Tu vi šai amboldes tu ka jekh anda le pacientongi komissia. Le Politikuri čačes či kamen te thon pe ande žjeli kai si pa partikular manuš.