Pacientogo bordo - te či san kontento pa arakhajipe
Propožitcji thaj vačimos šai kerel bari buči
Te si ke aliardan ke variso ando arakhajipe kai tu
či san kontento šai des čire gindura vaj šai vačis tut. Kado šai keres var sar paciento thaj vi sar niamo.
Čire propozitcji thaj vačimata šai kerel bari važno buči le špitenge thaj le kavre pacientonge. Thaj o vačipe kerel te šai vazdelpe o arakhajipe thaj kado si univar ke dosta si te primin tut šukares, thaj te avel po than so trubul vaj lašo tratamento.
Le kontakto anglunes kai kudi recepcia vaj aktivitetcia kai tu vai če mai paše lan sastipe. Atunči si tumen jekh posibilita ketane te ankalaven avri so kerdžilas. Te či kamena te ambolden tume karing e aktivitetcia šai kontaktin le pacientongo bordo.
Pacientongo bordo šai žutil tut te anes angle čire ginduri thaj propozitcji
Le pacientongo bordo si jekh independe instancia kai si ande sa le riga thaj šai žutil tut te ingres angle čire ginduri vai vačimata kai kado instanso thaj te žjanes ke šai ažukeres atveto kotsar.
Le pacientongo bordo či rodel avri le vačimata numa von si jekh vas maškar tute thaj e aktivitetcia. Le pacientongo bordo či šinen avri krisa pa medicina thaj či thol pe andre te thol partia varikaske te avel responsable kado si jekh pušipe kai trubul kudola kai si odpowežalnio ando arakhajipe.
Sičaripe pa le čačimata ando arakhajipe
Le pacientongo bordo šai den tut jekh sičaripe vai vas te žjanes pa čire čačimata ando arakhajipe. Tu naj musai te des avri kon san kana san ando kontakto kai le pacientongo bordo thaj kado žjal avri pa sastimasko thaj nasvalimasko arkhajimasko secreto. Le pacientongo bordo primil ginduri thaj vačimata katar offentligo finansime sastimaske-, nasvalimaske thaj dandtisturi, komunalnio sastipe- thaj nasalimasko arakhajipe thaj školako sastimasko arakhajipe ando Västra Gčtaland. Ando Švedo si but pacientonge borduri, le kontakto kadalentca.
Mišto san akhardo le kontakto ka pacientongo bordo
Mai but informatcia si po www.vgregion.se/pacientongo bordo