Pasieantamávssut Västra Götalánddas
Go dárbbašat dearvvašvuođa- dahje buohccedivššu mávssat pasieantamávssu. Man ollu mávssat vuolgá das makkár divššu oaččut.
Mávssat seamme mávssu bearoškeahttá oaččutgo divššu mis, dahje priváhtta dikšoaddis - jus dikšoaddis lea soahpamuš Västra Götalánddaregiovnnain.
Mánát ja nuorat vuollil 20 jagi eai mávsse dearvvašvuođa- ja buohccedivššus. Dan beaivvis go deavddát 85 jagi lea rabas dearvvašvuođa- ja buohccedikšun nuvttá. Don soaittát šaddat máksit dihto boahkohemiin ja duođaštusain ja dearvvašvuođadutkamiin.
Galledeami váilun dahje maŋŋonan gieldin
Jus it sáhte boahtit diŋgon áigái dárbbašat diŋgoma rievdadit dahje dadjat eret maŋemusat 24 diimmu ovdal galledeami. Jus it daga dan šattat máksit mávssu. Máksu lea seamma stuoris go pasieantamáksu. Jus pasieantamáksu lea unnit go 100 ruvnna dahje jus galledeapmi muđui livččii leamaš nuvttá, mávssat 100 ruvnna. Dat guoská nu mánáid ja nuoraid nuorat go 20 jagi, ja olbmuid badjel 85 jagi ja olbmuid geain lea friddjakoarta.
Allagollosuodji
Allagollosuodji mearkkaša ahte it dárbbaš máksit eanet go vissis summi jahkái. Go leat máksán submi oaččut friddjakoartta. Friddjakoartta mearkkaša ahte it dárbbat máksit eanet loahppa jahkái.
Gávdnojit máŋgga lágan allagollosuojit:
- rabasdikšun (dikšun go it dárbbaš báhcet buohccevissui.
- Buohcceviesusdikšun (dikšu go leat sisačálihuvvon buohccevissui)
- reseaptadálkásat
Bátnedikšun
Bátnedikšumis leat eará mávssut go eará dearvvašvuođa- ja buohccedikšun ja leat dávjá divraseappot.
Máksin
Mávsse millosit koarttain galledettiin. Lea maiddái vejolaš máksit ruđain. Jus it mávsse dakkaviđe sáddejit rehkega ruoktot.
Eanet dieđut
Das sáhttá lohkat eanet mávssuin ja allagollosuojis (siidu lea ruoŧagillii)
Rabas ja buohcceviessodikšun – mii lea earru?
Rabasdikšun lea go don oaččut divššu ijastiskeahttá, ovdamearkka dihte dearvvašvuođaguovddážis dahje vuostáváldimis.
Buohcceviessodikšun go leat sisačállojuvvon buohccevissui ja bisánat ovtta dahje eanet ijaid.