Du rievttit
Pasieantan Västra Götalánddas dus lea riekti dorvvolaš ja sihkkaris dikšumii mii lea ovttaveardásaš juohkehažžii. Das sáhtát lohkat moadde du rivttiin, ovdamearkka dihte dulka veahkki.
Dus lea riekti dulkii
Jus dárbbašat dulkka go leat dearvvašvuođadivššu oktavuođas dus lea riekti oažžut dan nuvttá. Dearvvašvuođadikšu galgá bearráigeahččat ahte ipmirdat dieđuid ja bargat nu ahte du ipmirdit. Dulka sáhttá leahkit mielde lanjas dahje dihtora dehe surfplatta bokte.
Muital ahte don dárbbašat dulkka go válddat oktavuođa divššun, de sii veahkehit du.
Cuoigumat ja váidaleamit divššus
Jus don dahje soamis du lágas olmmoš ii leat duhtivaš divššuin sáhttá cuoigut dahje váidalit. Dat sáhttá veahkehit du ja iežá pasieanttaid.
Sáhttá ovdamearkka dihte guoskat:
- vuostáiváldima
- vuordináiggiid ja olaheami
- dálkuma dahje divššu
Álgge oktavuođa váldimiin vuostáiváldimiin dahje doaimmain gos ožžot divššu. Dávjá manná čoavdit ášši ovttas bargiiguin.
Jus it háliit dan dahkat dahje it oaččo veahki, de sáhtát váldit oktavuođa Pasientnämndenii (pasieantalávdegoddái).
Pasieantalávdegoddi
Pasieantalávdegoddi lea bealákeahtes ja gávdno juohke regiovnnain Ruoŧas:
· buktit cuoigumušaid dahje váidalusaid
· oažžut vástádusa divššus
· oažžut dieđuid du rivttiin.
Pasieantalávdegoddi ii mearrit mii lea njuolga dahje boastut. Don it dárbbaš muitalit nama ja du dieđut suddjejuvvojit jávohisvuođageatnegasvuođain.
Pasieantalávdegoddi váldá vuostá:
- cuoigumušaid ja váidalusaid
- bátnedivšsus
- gieldda divššuin
- ohppiidivššuin Västra Götalánddas.
Mana du pasieantalávdegotti ruovttosiidui (liŋka ruoŧagillii)