Go to the homepage

Min doaimmat

Das sáhtát lohkat moadde Västra Götalánddaregiovdna doaimma dearvvasvuođa- ja buohccedivššus, kultuvrras ja oahpahusas.

Buohcceviessu

Sahlgrenska Universitehtabuohcceviessu

Sahlgrenska Universitehtabuohcceviessu lea Ruoŧa stuorimus buohcceviessu ja okta dain stuorimus universitehtabuohcceviesuin Eurohpás. Buohcceviesus lea doaimmat Göteborggas ja Mölndalas, earet eará  Sahlgrenska buohcceviesus, Mölndals buohcceviesus ja Östra buohcceviesus.

Oarjji buohcceviesut

Oarjji buohcceviesut leat Allingsås lasáreahtta, Angereda lagas buohcceviessu, Högsbo lahkabuohcceviessu ja Kungsälvenabuohcceviessu. Sullii 3 000 olbmo barget doppe erenoamášdivššuin. 

NU-buohccedikšun

Nu-buohccedikšun leat Norra Älvsborga Leanabuohcceviessu (NÄL) Trollhättanis ja Uddevalla buohcceviessu. Nu- buohccedikšun siskkilda maiddái psykiátralaš divššu Vännersborggas ja máŋga erenoamášvuostáiváldimat. 

Skaraborgs Buohcceviessu

Skaraborga Buohcceviessu fállá erenoamáš divššu máŋggain surggiin. Doaimmat gávdnojit Falköping, Lidköping, Mariestad ja Skövde.

Södra Älvsborgs Buohcceviessu

Södra Älvsborga buohcceviessu fállá heattedivššu ja earenoamašdivššu. Eanas divššu fállojuvvo Boråsas ja Skenes.

Lahkadikšun

Lahkadikšun gávdno olles Västra Götalánddas ja fállá earet eará dearvvasvuođaguovddážiid, veajuiduhttima ja fáhkkavuostáiváldima. Lahkadikšun lea maiddái vuostáiváldimat nuoraid psyhkalaš dearvvasvuođa várás ja digitálalaš dikšu. Siidu ruoŧagillii.

Álbmotbátnedikšun

Álbmotbátnedikšun gávdno gait 49 gielddas Västra Götalánddas ja váldet vuostái sihke mánáid ja rávesolbmuid. Álbmotbátnedikšun siskkilda dábálaš bátnedivššu ja earenoamášbátnedivššu.

Västtrafik

Västra Götalánddaregiovnnas lea ovddasvástádus kollektiivvalaštrafihkas Västra Götalánddas Västtrafik bokte, mii plánet trafihkka. Västra Götalánddas sáhtát mátkkostit kollektiivvalaččat bussiin, gáhtavovnnain, togain ja fatnasiin.

Kultuvra ja galledanbáikkit

Västra Götalánddaregiovnnas leat máŋga kulturinstitušuvnna ja galledanbáikki, ovdamearka dihte Göteborgaopera, Göteborga Symfoniker ja dávvirvuorkkát.

Álbmotallaskuvllat

Västra Götalanddsregiovnnas leat guhtta álbmotallaskuvlla. Das sáhtát oažžut gelbbolašvuođa joatkkaoahpahussii dahje dárkileappot oahppat iešguđet fáttáid. Siidu ruoŧagillii.

Luondduealáhatjoatkkaskuvla

Västra Götalánddaregiovnna njeallje luodduealáhatjoatkkaskuvlla heivejit dutnje gii háliidat sihke lohkat ja geahččaladdat ja bargat luonddus, elliiguin dahje teknihkain.