Kolektiivitrafiikki
Västra Götalandsregioni vastaa kolektiivitrafiikista Västra Götalandissa Västtrafikin kautta. Västtrafik planeeraa kolektiivitrafiikkia ja varmistaa ette se toimii.
Västra Götalandissa sie voit reisata byssilä, junala, raitiovaunula ja venheelä. Kun kolektiivitrafiikki on helppo, kätevä ja halpa, sillon useampi haluaa matkustaa ilman biiliä. Tämä vähentää päästöjä ja luopi parempaa miljöötä ja klimaattia. Se vaikuttaa kans kuinka kaupunkit ja yhteiskunnat kehittyvät.
Västra Götalandsregioni päättää, kuinka kolektiivitrafiikki kehitethään, ja on yhteistyössä kunnitten ja muitten organisasjuunitten kans ja sillä tavala varmistaa ette se toimii hyvin. Kolektiivitrafiikki maksethaan sekä verorahoila ette biljettimyynilä.