Näin sie saatat vaikuttaa

Jos sie haluat vaikuttaa Västra Götalandsregionin päätöksiä eli lähättää komentaaria, siihen on usseita keinoja. Sie voit kans ottaa suorhaan yhteyttä pulitiikkerhiin eli virkamiehiin.

Äänestää regionvaalissa

Sie voit äänestää regionvaalissa ja valita, mikkä pulitiikkerit pitävät eustaa sinua regionvaltuustossa. Vaalit piethään joka neljäs vuosi.

Sie häyt olla täyttäny 18 vuotta ja väestökirjotettu Västra Götalandissa ette saa äänestää.

Sie häyt kans olla:

  • ruottin kansalainen, eli
  • kansalainen yhessä EU-maassa, Islandissa eli Norjassa 

Sie voit kans äänestää, jos sie olet muun maan kansalainen eli ilman kansalaisuutta, jos sie olet ollu väestökirjotettu Ruottissa vähhiinthään kolme vuotta peräkkäin ennen vaalipäivää.

Lue lissää vaalista Vaaliviranomaisen vebbisivulta (ruottiks)

Tule aktiiviseks puliittisessa partiissa

Sie voit mennä mukhaan puliittisheen partiihin, joka työskentellee kysymyksitten kans jokka sie piät on tärkeät. Sitten sie saatat olla mukana vaikuttamassa puliittishiin päätökshiin.

Mene matkhaan föreeninkhiin/organisasjuunhiin eli verkosthoon

Västra Götalandissa on paljon föreeninkiä ja organisasjuunia. Moni on töissä vaikuttamassa yhteiskuntaa, joko yksin eli yhessä muitten kans. Mene matkhaan johonki organisasjuunhiin, joka on töissä jonkin asian joka sie piät on tärkeä, ja sillä tavala sie voit vaikuttaa puliittishiin päätökshiin.

Föreeninkit ja organisasjuunit voivat kohata puliitikkeriä eri raatissa. Västra Götalandsregionissa on esimerkiks:

  • pansunääritten raati
  • toiminanestheitten henkilöitten raati
  • yhteisneuvottelu kansalisitten vähemistöitten kans
  • yhteisneuvottelu lasten oikeuksitten organisasjuunitten kans
  • yhteisneuvottelu hbtq-organisasjuunitten kans
  • yhteisneuvottelu ihmisoikeus organisasjuunitten kans.

Vaikuta sinun oman eli sinun läheisen hoithoon

Jos sulla on mielipitheitä hoijosta eli käsittelystä, jonka sie eli joku sinun läheinen on saanu, sie piät ensin ottaa yhteyttä vasthaanoton henkilökunnan kans eli heän pomon kans.

Jos sie et halua eli et saata ottaa yhteyttä vasthaanoton henkilökunnan kans, sie voit ottaa yhteyttä Potilaslautakunnan kans.

Lue lissää Potilaslautakunnasta (ruottiks)