Sinun oikeuvet
Västra Götalandin potilhaana sulla on oikeus turvalisheen ja varmhaan hoithoon, joka on tasa-arvoista kaikile. Täältä sie voit lukea joistakin sinun oikeuksista, kun esimerkiks tulkin saamisesta.
Sulla on oikeus tulkhiin
Jos sie tarttet tulkkia kun sulla on kontaktia hoijon kans, sillon sulla on oikeus saa sen ilman kostanuksia. Terhveyshoito pittää valvoa ette sie ymmärät informasjuunin ja pystyt tehhä ittesti ymmärettäväksi. Tulkki voipi olla paikan päälä, daattuurin eli surfplatan kautta.
Kerro, ette sie tarttet tulkin, kun otat yhteyttä hoijon kans, niin het auttavat sinua.
Mielipitheitä ja valituksia hoijosta
Jos sie eli joku sinun lähelä ei ole tyytyväinen hoijon kans, tet saatatta jättää komentaaria eli valittaa. Tämä voipi auttaa sekä sinua ette muita potilhaita.
Esimerkiksi se voipi koskea:
- kohtelu
- oottoaijat ja saatavuus
- hoitoa eli käsittelyä.
Aloita ottamalla yhteyttä vasthaanothoon eli toiminthaan, missä sie sait hoitoa. Useasti on mennee selvittää asian yhessä henkilökunnan kans.
Jos sie et halua tehhä tätä eli sie et saa apua, sie voit kääntyä potilaslautakunthaan.
Potilaslautakunta
Potilaslautakunta on puolueton ja toimii kaikila Ruottin rekiuunila. Net voivat auttaa sinua ette:
- tua esile komentaaria eli valituksia
- saa vastauksia terhveyvenhoijolta
- saa tietoja sinun oikeuksista.
Potilaslautakunta ei päätä, mikä on oiken ja mikä on väärin. Sie voit pysyä anonyyminä, ja sinun tiot on sekretessilä suojatut.
Potilaslautakunta ottaa vasthaan komentaaria ja valituksia näistä asioista:
- hoito, joka maksethaan verorahoila
- hammashoito
- kunnalinen hoito
- opiskelijaterhveys Västra Götalandissa.
Mene potilaslautakunnan kotisivule (länkki ruottiks)