Meän toiminat

Täältä sie voit lukea joistaki Västra Götalandsregionin toiminoista terhveys- ja siukkahoijon, kulttuurin ja koulutuksen aloila.

Sairalat

Sahlgrenskan Yliopistosairala

Sahlgrenskan Yliopistosairala on Ruottin suuriin sairala ja yksi Euruupan suuriimista yliopistosairaloista. Sairala toimii Göteborgissa ja Mölndalissa, muun muassa Sahlgrenskan sairala, Mölndalin sairala ja Östra sairala.

Sairalat lännessä

Lännen sairalhoin kuuluvat Alingsåsin sairala, Angeredin lähisairala, Högsbon lähisairala ja Kungälvin sairala. Sielä työskentellee noin 3 000 ihmistä spesialistihoijossa.

NU-siukkahoito

NU-siukkahoito sisältää Norra Älvsborgin Lääninsairala (NÄL) Trollhättanissa ja Uddevallan sairala. NU-siukkahoito sisältää kans psykiatrista hoitoa Vänersborgissa ja usseita spesialistivasthaanottoja.

Skaraborgin Sairala

Skaraborgin Sairala tarjoaa spesialistihoitoa monessa paikoissa. Toimintaa on Falköpingissä, Lidköpingissä, Mariestadissa ja Skövdessä.

Södra Älvsborgin Sairala

Södra Älvsborgin sairala tarjoaa akyytti- ja spesialistihoitoa. Suuriin osa hoijosta annethaan Boråsissa ja Skenessä.

Lähiterhveys

Lähiterhveys on koko Västra Götalandissa ja se tarjoaa muun muassa terhveyskeskuksia, rehabiliteerinki- ja sjuurivasthaanottoja. Lähiterhveyvelä on kans vasthaanottoja nuoritten psyykkisele terhveyvele ja digitaalista hoitoa. Sivu ruottiks.

Kansanhammashoito

Kansanhammashoitoa on kaikissa Västra Götalandin 49 kunnissa, ja se ottaa vasthaan sekä lapsia ette raahvaita. Kansanhammashoitoa sisältää kliinikoita, jossa on ylheistä hammashoitoa sekä spesialistihammashoitoa. Sivu ruottiks.

Västtrafik (Länsitrafiikki)

Västra Götalandsregioni on vastuussa kolektiivitrafiikista Västra Götalandissa Västtrafikin kautta, joka suunittelee trafiikin. Västra Götalandissa sie voit reisata kolektiivisesti byssilä, raitiovaunula, junala ja venheelä. Sivu ruottiks.

Kulttuuri ja vierailupaikkoja

Västra Götalandsregionissa on monta kulttuurilaitoksia ja vierailukohteita, kun Göteborgin uuppera, Göteborgin Symfoniker ja museymmiä.

Kansankorkeakouluja

Västra Götalandsregionissa on kuus kansankorkeakoulua. Täälä sie voit opiskella ette saa pätevyyen jatko-koulutuksheen eli syventyä erinlaishiin aineishiin. Sivu ruottiks.

Maatalousjymnaasia

Västra Götalandsregionin neljä maatalousjymnaasia sopivat sulle, joka haluavat kombineerata teorian ja praktiikan ja työskentellä luonon, eläinten eli tekniikan kans. Sivu ruottiksi.