Västra Götalandsregionista

Västra Götalandsregioni on organisasjuuni, jossa on noin 57 000 työntekijöitä. Met olema yksi Ruottin suuriimista työnantajista ja meitä johtaa valitut pulitiikkerit.

Met olema vastuussa Västra Götalandin terhveys- ja siukkahoijosta. Met olema töissä näitten asioitten kans:

  • terhveys
  • kulttuuri
  • miljöö
  • työ ja koulutus
  • tutkimus
  • kolektiivitrafiikki.

Yhessä tämä auttaa Västra Götalandin asukhaita elämhään hyvvää elämää.

Västra Götalandsregioni

Västra Götalandsregioni perustethiin 1999, kun usseita entisiä maakäräjiä yhistethiin: Skaraborg läänin maakäräjät, Älvsborgin maakäräjät, Bohus läänin maakäräjät ja osia Göteborgin kaupunkista. Västra Götalandisregionia ohjaa valitut pulitiikkerit ja se on yksi Ruottin 21 rekiuunista. Västra Götalandsregioni vastaa Västra Götalandin terhveys- ja siukkahoijosta ja rekiunaalisesta kehityksestä.

Västra Götaland

Västra Götalandissa assuu noin 1,6 miljoonaa ihmistä. Västra Götalandissa on 49 kuntaa. Göteborg on suuriin kaupunki. Göteborgissa on Skandinavian suuriin hamina, joka on tärkeä transporttile ja indystriile.

Näköala Göteborgin uupperan ylhäältä

Meän toiminat

Västra Götalandsregioni vastaa muun muassa terhveys- ja siukkahoijosta, kulttuurista ja kolektiivitrafiikista. Sie voit lukea lissää meän toiminoista täältä.