Primäärihoito ja sairalat

Tässä sie saatat lukea Västra Götalandin primäärihoijosta, sairaloista ja erinlaisista hoitomuodoista.

Västra Götalandin primäärihoito

Primäärihoito auttaa sinua sairhauksissa ja vaivoissa, jokka ei vaai sairaloitten spesialistihoitoa. Terhveyskeskus on usseimiten sinun ensimäinen kontakti hoijon kans.

Västra Götalandsregionila on omat terhveyskeskukset nimelä Närhälsan-Lähiterhveys. Niitä on kans privaattia terhveyskeskuksia, joila on sopimuksia Västra Götalandsregionin kans.

Terhveyskeskuksissa sie voit saa apua muun muassa: 

  • tavaliset saihrauvet ja vaivat
  • lasten terhveyshoijon ja äitiyshuolon kans
  • rehabiliteerinki, esimerkiks fysioterapi
  • keskustelun tukea ja neuvontaa
  • tuki muuttamhaan elämäntapoja, esimerkiks lopettaa tupakan polttamisen.

Sie valittet itte, missä terhveyskeskuksessa sie haluat olla listattu, riippumatta siittä, jos se on julkinen eli privaatti.

Löytää terhveyskeskuksia Västra Götalandissa (ruottiks)

Västra Götalandin sairalat

Västra Götalandin terhveys- ja siukkahoito on jaettu nelhjään jeukraaffisheen alueishiin, jossa jokhaisessa alueessa on usseita sairaloita.

Västra Götalandsregionin sairalat tarjoavat sekä akyyttisiukkahoitoa ja suuniteltua hoitoa eri spesialistialoila. Akyyttisiukkahoito on erikoisissa sairaloissa, siksi ette hoito pittää olla turvalista ja korkean laatuista. Muut sairalat on erikoistunheet suunitelthuun hoithoon.

Hae hoitoa oikeasta paikasta

Kun sie tulet sairhaaks, loukkaat itteästi eli tattet neuvoja sinun terhveyvestä, sillon on tärkeä, ette sie tiät, mistä hakea hoitoa. Näin sie voit saa apua kätevämin.

Lue lissää hoijon oikean paikan hakemisesta

Lissää tietoja

Tietoja Ruottin terhveys- ja siukkahoijosta muila kielilä (1177)

Lue lissää terhveys- ja siukkahoijon maksoista

 

Mitä listattu tarkottaa terhveyskeskuksessa?

Olla listattu tarkottaa, ette sie olet valinu, mihinkä terhveyskeskuksheen sie haluat kuulua. Usseimiten se on sinne sie käänyt ensiks, kun sie tarttet varata hoitoa. Sie valittet itte, missä terhveyskeskuksessa sie haluat olla listala. Ja sie saatat vaihettaa paikkaa koska vain haluat. Ota yhteyttä terhveyskeskuksheen, mihinkä sie haluat kuulua, niin het auttavat sinua.