Näin sie haet hoitoa
Kun sie sairastut, loukkaat ittesti eli tarttet neuvoja sinun terhveyvestä, sillon on tärkeä, ette sie tiät, mistä hakea hoitoa. Sillon sie saatat saa apua kätevämin. Hengenvaaran tilantheessa sie piät aina soittaa numerhoon 112.
1177
Sivula 1177.se on tietoja terhveyvestä, sairhauksista ja kontaktitiot huoltovasthaanothoin.
Kun sie lokkaat sisäle sie saatat:
- lukea sinun sjurnaalia
- varata ja käsitellä hoitokäyntiä
- tehhä muita asioita jokka koskevat sinun hoitoa.
Sie voit kans soittaa numerhoon 1177 ette saa siukkahoijon neuvontaa. Telefooni on auki ympäri vuorokauven.
Terhveyskeskus
Terhveyskeskus on usseimiten ensimäinen paikka, jossa sie haet hoitoa. Se on auki arkipäivinä, ja monet terhveyskeskukset tarjoavat kans digitaalisia hoitokontaktia.
Du kan söka vård på vilken vårdcentral du vill. Du behöver inte gå till den vårdcentral där du är listad.
Sjuursentraali
Sjuursentraali on auki illoila ja viikonloppuna. Täälä sie saatat saat apua terhveysprupleemitten kans, jokka ei saata viivyttää terhveyskeskuksen aukaisua seuraavana arkipäivänä.
Sie löyvät tietoja sjuursentraalista sinun terhveyskeskuksen vebbisivulta.
Akyyttivasthaanotto
Jos sie olet vakavasti sairas eli loukkaintunu ja tarttet hoitoa varsin, sillon sie piät mennä akyyttivasthaanothoon. Akyyttivasthaanotossa saapi se henkilö apua ensiks, joka enniitten tarttee hoitoa.
Sairala
Sie tarttet remissin ette saa hoitoa sairalassa. Remissi on viesti, joka näyttää, ette sie tarttet hoitoa spesialistilta eli vasthaanotossa. Se saattaa esimerkiks olla terhveyskeskuksen lääkäri joka kirjottaa remissin. Lääkäri lähättää remissin oikehaan vasthaanothoon, jonka jälkhiin sie saat aijan. Joileki vasthaanotoile sie voit itte kirjottaa remissin.
Lue lissää remissistä (sivu on ruottiks)
Mitä listattu tarkottaa terhveyskeskuksessa?
Olla listattu tarkottaa, ette sie olet valinu, mihinkä terhveyskeskuksheen sie haluat kuulua. Usseimiten se on sinne sie käänyt ensiks, kun sie tarttet varata hoitoa. Sie valittet itte, missä terhveyskeskuksessa sie haluat olla listala. Ja sie saatat vaihettaa paikkaa koska vain haluat. Ota yhteyttä terhveyskeskuksheen, mihinkä sie haluat kuulua, niin het auttavat sinua.