Kulturförvaltningen

På Meänkieli

Ingen beskrivning tillgänglig

Tältä sivulta sie löyät tietoja Kulttuurihallinon VGR:in tietoinsatsista, koulutuksesta, näyttelyistä, ekonoomisesta tuesta ja kontaktitietoja relevantile henkilöile kansalisten vähemistöitten asioista. Meän suunta on ensi käessä kunnan ja kirjastoitten henkilökunnale eli sulle joka eustat jotaki kansalisten vähemistöitten organisasjuunia.

Käynissä olevat insatsit

Näyttelyn kautta ”Yhteenkuottuja histuurioita” met lissäämä tietoja vähemistöistä ja Västra Götalandin rekiuunin yhteisneuvonta kansalisten vähemistöitten kans dialooki on käynissä organisasjuunitten kans jokka eustavat viittä kansalista vähemistöä.

Met olema ottanheet framile pätevyyspakeetin, joka auttaa ja tukkee kirjaston henkilökuntaa lissäämhään heän tietoja kysymyksistä, jokka käsittelevät kansalisia vähemistöjä ja kirjastoja.

Lissää tietoja näistä insatsista sie löyät alempaa tältä sivulta.

Ingen beskrivning tillgänglig

Tietoinsatsi kirjastoile

Sie joka olet töissä kansankirjastoissa saatat vaikuttaa ette kirjastot ottavat vasthaan paremin ja on enemän relevanttia kansalisile vähemistöile ja levittävät tietoja kansalisista vähemistöistä. Lissäämällä sinun omia tietoja sie saatat työskentellä paremin totheuttamhaan lakia ja olla yhteistyössä kansalisitten vähemistöitten kans ja jatkossa kans lisätä ylheisön tietoja.

Ingen beskrivning tillgänglig

Yhteenkuottuja histuurioita – Ruottin kansaliset vähemistöt

Näyttely ”Yhteenkuottuja histuurioita – Ruottin kansaliset vähemistöt” suuntautuu laajale ylheisöle ja on yritys ette lisätä tietoja Ruottin kansalisista vähemistöistä ja niitten erikoisista oikeuksista mitä heilä on. Sisälön on Västra Götalandin Kulttuurihallinto ottanu framile yhteistyössä Västra Götalandin kansalisitten vähemistöitten eustajitten kans.

Ingen beskrivning tillgänglig

Västra Götalandin rekiuunin kansalisten vähemistöitten yhteisneuvonta

Västra Götalandin rekiuunila on perine ette jatkuvasti pittää dialookia ja yhteisneuvontaa orkanisasjuunitten kans jokka eustavat viittä kansalista vähemistöä. Tarkotus on ette eistää osalistumista, kerätä tietoja ja näkökulmia ja vahvistaa demokratiaa. Yhteisneuvonthaan osalistuu virkamiehiä, valitut luottamuushenkilöt ja eustajia kansalisista vähemistöistä. Yhteisneuvonta on ottanu framile suunitelman mitä kysymyksiä yhteisneuvonta pittää tärkeänä perjuutin aikana 2023-2026. Täältä sie saatat lukea lissää yhteisneuvonasta.

Kulttuurihallinon työ kansalisitten vähemistöitten kans

Västra Götalandissa yhessä paikalisitten aktööritten kans met vahvistama kansalisitten vähemistöitten ommaa valtaa. Vuona 2028 hallinto on:

  1. Tuenu kunnitten työtä koulutuksen kautta.
  2. Vahvistanu yhteistoimintaa vähemistöitten kans heän omassa toiminassa.
  3. Osalistunheet yhteisneuvonassa ja seuranheet ylös matkaplaneerinkiä.

Kirjastoitten rolli

Kirjastolaissa (§ 5) ilmotethaan ette kirjastot pitävät tarjota kirjalisuutta vähemistökielissä. Kuninkhaalinen kirjasto kehottaa kirjastoja ette satsata näihin kolmheen kehitysalhoin: 

  1. Tehhä näkyväks riippumatta kysynästä.
  2. Olla yhteistyössä aktiviteetitten ja meetian asioissa.
  3. Korostaa lapsia.

Käyttökelposia länkkiä

Täälä länkkiä mistä saat lissää tietoja kansalisista vähemistöistä:

Minoritetsspråk och Sveriges nationella minoriteter hos Länsstyrelsen
minoritet.se - Sveriges nationella minoriteter och minoritetsspråk
Mänskliga rättigheter på Regeringens webbplats
Om nationella minoritetsspråk hos Institutet för språk och folkminnen
Om Sveriges språkpolitiska arbete hos Institutet för språk och folkminnen
Utbildningar som rör nationella minoriteter och mänskliga rättigheter - Minoritet.se
Riksorganisationen för fortbildning om Förintelsen

Kontaktitietoja

Daniella Pind, Enhetschef/Yksikönpomo

Mubiili: 072 - 084 30 08
E-posti: daniella.pind@vgregion.se

Kysymyksiä jokka koskevat Tietoinsatsia kirjastoile (LIT)

Åsa-Maria Berg Levinsson (Kirjasto konsylentti)
Eposti: asa-maria.berg.levinsson@vgregion.se   
Mubiili: 072 - 084 30 08   

Jesper Svensson (Rekiuunikehittäjä)
Eposti: jesper.svensson@vgregion.se
Mubiili: 076 - 949 20 20

Kysymyksiä jokka koskevat kansalisten vähemistöitten/suunittelutyön yhteisneuvontaa

Vania Timback (Rekiuunikehittäjä)
Eposti: vania.timback@vgregion.se
Mubiili: 076 - 146 16 88

Kysymyksiä jokka koskevat näyttelyitä: ”Yhteenkuottuja histuurioita – Ruottin kansalisista vähemistöistä

Ida Lagnander (Pedagoogi)
Eposti: ida.lagnander@vgregion.se
Mubiili: 070 - 352 02 42

Kysymyksiä jokka koskevat kansalisten vähemistöitten slöitiä/käsityötä ja kotislöitiä

Tobias Havaas (Hemslöjdskonsulent/Kotislöitikonsylentti)
Eposti: tobias.havaas@vgregion.se
Mubiili: 072 - 084 30 08